طريقة العمل
من فهم شغلك لأول إصدار بتقدر تستخدمه.
فريقك بشارك بتحديد المشكلة، وبجرّب النظام خلال التطوير، وبراجع معنا شو محتاج يتغيّر.
01
نفهم طريقة الشغل
قبل ما نقرّر شو نطوّر، بنفهم مين بيعمل شو، وكيف بتنتقل المعلومات والمسؤوليات، ووين الشغل بتعطّل.
- شو بنراجع
- فريقك بفرجينا الأدوات اللي بيستخدمها، وأمثلة من الشغل اليومي، ووين بصير التأخير.
- شو بطلع معنا
- خريطة واضحة لخطوات الشغل ومشكلة متفقين نحلّها.
02
نصمّم النظام
بنرسم كيف النظام رح يشتغل، وبنرتّب الأولويات، وبنوضّح الخيارات وفائدة وتكلفة كل واحد منها.
- شو بنقرّر
- بنتفق معك شو لازم يعمل أول إصدار، وشو ممكن يستنّى، وكيف نقيّم النتيجة.
- شو بطلع معنا
- نموذج أولي، وأولويات متفقين عليها، وخطة تنفيذ.
03
نطوّر على مراحل
بنطوّر النظام على أجزاء مترابطة، وبنوضّح القرارات أول بأول، وبنتعلّم من الناس اللي بتستخدمه.
- كيف بنراجع الشغل
- فريقك بجرّب كل إصدار، وبنراجع سوا شو ناسبكم وشو محتاج تعديل.
- شو بطلع معنا
- نسخة بتقدروا تستخدموها، ومراجعة مع فريقكم، وأولويات للمرحلة الجاية.
طوال مراحل العمل
- بنوثّق القرارات وأسبابها، عشان تضل واضحة من مرحلة للثانية.
- بنعدّل الخطة حسب اللي بنكتشفه بالتجربة، وشو بحتاج يتغيّر.
- الناس اللي بتستخدم النظام بتضل تشارك بتجربته وتحسينه.